Aðalfundur Félags Íslenskra Einkaflugmanna verður haldinn í sal flugvirkjafélagsins 10. maí og hefst hann kl. 20:00   Venjulega aðalfundarstörf. 

Stjórn FÍE

• Mánudaginn 7. maí kl. 20:00 verða þeir Otto Tynes og Ágús Guðmundsson með kennslu- kynningu á Flugrallýinu, hvernig það gengur fyrir sig og hve skemmtileg þessi keppni er. Þetta er ekki eins erfitt og flókið og menn hafa viljað halda. Hvetjum alla til að kíkja, það verður heitt á könnunni.

  Keppnin verður haldin 18. ágúst á Selfossflugvelli og eru allir hvattir til að mæta.

  Sjá nánar á www.aopa.is 

Hvað má handhafi einkaflugmannsskírteinis gera?
Hann má, ef skírteinið og heilbrigðisvottorð eru í gildi, stjórna öllum þeim flugvélum sem hann hefur áritun á sem er í gildi.  Hann má fljúga með farþega en ekki taka greiðslu fyrir.  Hann er ekki atvinnuflugmaður.  Til að flytja farþega þurfa flugmenn alltaf að hafa áður framkvæmt 3 flugtök og 3 lendingar á síðustu 90 dögum á viðkomandi tegund loftfars.

Mikilvægt er að einkaflugmenn átti sig á því að þeim er óheimilt að flytja farþega gegn gjaldi. T.d. er einkaflugmanni óheimilt með öllu að auglýsa flug eða gefa til kynna á einhvern hátt að hann bjóði uppá farþega- eða útsýnisflug gegn gjaldi (t.d. á facebook).  Öll slík starfsemi er leyfisskyld.  Í einkaflugi er þó áfram heimilt að skipta kostnaði enda fellur einn hluti kostnaðar á flugmanninn sjálfan.

Sjá nánar á heimasíðu Flugmálastjórnar.
http://caa.is/Einstaklingar/Spurtogsvaradumskirteini/EinkaflugmannsskirteiniFlugvel/

Í anda uppryfjunar fór fram hjá FÍE í dag en það voru þeir Otto Tynes og Guðlaugur Leosson sem sáu um að breiða út boðskapinn.

Otto byrjaði að fara yfir nokkrar áhugaverðar heimasíður sem flugmenn ættu að hafa í huga og notfæra sér en þær eru:

www.isavia.is    Heimasíða Ísavia er ný og var bent sérstaklega á appelsínugula C merkið á forsíðunni en þegar það er valið þá opnast aðgangur að:

a.       AIP.  Þarna er Flugmálahandbókin AIP í heild sinni.

b.      NOTAM:  Bæði A og C Notam tilkynningar.

c.       Veður:   Þarna er hægt að finna símanúmer á sjálfvirkum ATIS símsvörum eins og Keflavík, Reykjavík, Vestmannaeyjum, Hornafirði og Ísafirði.  Einnig eru rauntímamælingar á Egilsstaðaflugvelli, BIEG. Sandskeiðisflugvelli BISS, Vestmannaeyjaflugvelli BIVM og Ísafjarðarflugvelli BIIS.

Benti Otto á að búið væri að breyta aðflugsleiðum í Reykjavík en ekki var öllum viðstöddum kunnugt um það.

www.rnf.is         Heimasíða Rannsóknanefndar flugslysa.  En þar er hægt að nálgast bæði ársskýrslur undanfarinna ára auk tillagna og tillaga.  Nauðsynlegt er fyrir flugmenn að lesa skýrslurnar og læra af þeim.

www.vedur.is   Heimasíða Veðurstofu Íslands.  Neðst til vinstri er að finna flipa "flugveður"  og undir honum eru margvíslegar tengingar t.d.

a.       METAR veðurskeyti,

b.      TAF eða TAFOR bæði 24 og 9 klst.

c.       Flugveðurskilyrði yfir Íslandi.

d.      Greiningarkort

e.      Vinda- og skýjaspá.

f.        Veðursjá en þar er hægt að sjá t.d. CB og hægt að sjá það kort t.d. yfir SV-land.

www.caa.is        Heimasíða Flugmálastjórnar, þarna er hægt að rýna í lög og reglugerðir t.d. um skírteinamál, EASA sem er að gera okkur lífið leitt en svo má einnig finna loftfaraskránna o.fl. o.fl.

www.wetterzentrale.de    Veljið "Fax" ofarlega til vinstri og svo fyrir miðju getið þið valið t.d. 24 tíma, 48 tíma, 72, 96 eða 120 klst. Spá.  Kortið sem kemur upp er einstaklega vel gert og virkilega góð grafík.

www.yr.no        Eða "Norska" síðan eins og hún hefur verið kölluð hér heima. Efst til hægri er hægt að breyta tungumáli yfir í "english" fyrir þá sem vilja en Norsk ættaði fyrirlesarinn var að sjálfsögðu ekkert að breyta því.  Á þessari síðu er hægt að slá inn svo til alla staði á Íslandi og hefur þessi spá síða verið mjög vinsæl hér á landi.

www.belgingur.is           Íslensk verðursíða sem hefur verið mikið notuð.

www.vegagerdin.is        Mjög margir flugmenn hafa kíkt inn á vefmyndavélarnar hjá Vegagerðinni áður en lagt er upp í flug og benti einn fundarmanna á vélina við Fossahlíð fyrir vestan sem er með einstaklega gott útsýni.
Svo eru góðar veðurstöðvar og vefmyndavélar á heimasíðum Múlakots www.mulakot.net og Flugklúbbs Selfoss www.flugklubbur.is     

www.mountainflying.com          Virkilega góð síða með urmull af góðum upplýsingum t.d. taledragger operation.  Tók Otto sem dæmi muninn á að lenda stélhjólsvél eða vél með nefhjóli.   Einnig var farið yfir hliðarvindslendingar og var rætt um dæmi sem varð á Tungubökkum og einnig kom ágætis saga frá einum fundarmanna.

Þessu næst fór Otto yfir "Cruise performance" og tók fyrir vísitölu Skyhawk, benti hann á að gott væri að tileinka sér að fljúga alltaf á sama afli "BHP".  Einnig ráðlagði hann að lína vel út þó svo að margir væru hræddir við það, hægt væri að styðjast bæði við snúningsmæla og EGT mælana.   Einnig var farið yfir "takeoff distance" short field og hvað bæri að varast eins og bleytu, djúpt gras o.fl.

Farið var yfir eldsneytiskerfi vélarinnar og tekin dæmi um eldsneytisleysi.  Bent á að hafa primer lokaðan sem hefði valdið þó nokkrum vandamálum.

Emergency during takeoff.  Passa að setja nefið strax fram og varast að reyna að snúa aldrei við ef flogið er neðar en 500 fet. 

Farið var yfir loftþrýsinginn og hvenær ætti að skipta yfir á standard 1013hp.  Fundarmenn voru sammála um að ekki væri farið eftir þeim reglum að þeir sem flygju austur í sjónflugi ættu að vera í oddatölu +500 fetum og þeir sem flygju í vestur í sléttri tölu +500 fetum,  menn virðast hafa löngu gleymt þessum reglum.

Otto fór aðeins yfir punkta úr góðri bók Ómars Ragnarssonar um flugleiðir yfir Íslandi.

Að lokum fór Otto yfir flugplan vegna flugrallýs en sérstök kynning verður haldin fyrir það í vor.

Næst tók Guðlaugur Leósson við með góða kynningu á hjartahnoði og einnig kennslu á hjartastuðtækjum og  sýndi m.a. video kynningu af því hvernig ætti að bera sig af með slík tæki.

Í dag 5. desember áttu fulltrúar Flugmálafélags Íslands góðan fund með Flugráði.  Vonumst við til þess að Flugráð sjái nú vel þann alvarleika sem grasrótin hefur staðið frammi fyrir frá því svokölluð Part-M reglugerð var innleidd.  En eftir þennan ágæta fund þá fór undirritaður að lesa yfir fundargerð Flugráðs frá því í júní (fundargerð nr. 1561) og hnaut þá um kynningu sem flugmálastjóri hélt fyrir Flugráði vegna vinnuhóps sem þá verandi Innanríkisráðherra Kristján Möller skipaði  en undirritaður sat fyrir hönd Flugmálafélagsins í þeim hópi.  Hér á eftir fer ég yfir  skrif flugmálastjóra og einnig tek ég upp punkta úr fundargerðum vinnuhópsins og svar bréfs Utanríkisráðuneytisins.

Á 1561. fundi Flugráðs var fjallað um viðhaldsstjórnun lítilla flugvéla.   Flugmálastjóri greindi frá innleiðingu Part-M reglugerðarinnar (2042/2003 (EB1592/2002)) og tók m.a. fram að reglugerðin hefði verið bindandi fyrir Ísland og ekki hjá því komist að innleiða hana.   Einnig vakti hann athygli á því að FMS hefði veitt undanþágu um tiltekin loftför á bilinu 1.000 kg. til 1.200 kg. á grundvelli þess að tillaga liggur fyrir frá EASA til framkv.stjórnar ESB um slíka breytingu.   Þess skal getið hér að forsvarsmenn Flugmálafélagsins voru þá búnir að fara formlega fram á að FMS beitti sér til þess að fá þessa undanþágu og er það mjög jákvætt að FMS hafi fengið þetta í gegn sem varð til þess að að margar einkavélar gátu flogið í sumar sem annars hefði ekki orðið.

Einnig var rætt um vinnuhóp sem skipaður var af Innanríkisráðherra  en hópurinn átti að fara yfir forsendur reglugerðarinnar með það í huga hvort Ísland gæti hugsanlega sótt um undanþágu og þar með komist hjá að innleiða hana.  Í fundargerð Flugráðs stendur orð rétt:

"Í stuttu máli var niðurstaða vinnuhópsins, eftir ítarlega yfirferð og með aðkomu utanríkisráðuneytisins, sú að ekki væri hjá því komist að innleiða reglugerðina án undanþágu.

Formaður þakkar yfirferðina sem gefur ágætt yfirlit yfir stöðu og horfur.  Áhersla verði lögð á aðstoð almannaflugið við aðlögun að nýjum reglum og starfsumhverfi eins og aðstæður frekast leyfa."

Mig langar í tilefni ofangreindrar bókunar í fundargerð að rifja lítillega upp niðurstöður úr þeim skjölum vinnuhópsins sem ég hef við hendina sem mér finnst fulltrúar Flugmálastjórnar og Innanríkisráðuneytisins ekki hafa komið vel frá sér til Flugráðs.

1.       Bréf frá Utanríkisráðuneytinu vegna fyrirspurnar  vinnuhópsins.  (10.02.11. UTN11010301/89.C.340)

Í síðustu málsgrein bréfsins stendur "Í öðru lagi vill ráðuneytið vekja athygli á því að í 14. Gr. Reglugerðar 216/2008 er að finna ákvæði sem heimila ákveðinn sveigjanleika við beitingu ákvæða reglugerðarinar.  Í 6. tölul. Þeirrar greinar er heimilað að veita heimildir á grundvelli annars konar reglna en þeirra sem kveðið er á um í reglugerðinni, enda sé tryggt að sambærilegt flugöryggi og felst í ákvæðum reglugerðarinnar.  Slíkt kerfi er þó háð fyrirfram samþykki, sbr. Nánar ákvæði greinarinnar.  Að mati ráðuneytisins kæmi til athugunar flugmálayfirvalda hvort æskilegt og unnt væri að setja slíkar reglur hér á landi."

2.       Niðurstaða vinnuhóps vegna innleiðingar reglna um rekstur og viðhald einkaloftfara dags. 15.04.2011.

"Niðurstaða vegna áhrifa Evrópureglugerðanna og tillögur til ráðherra.

Umræddar reglur hafa verið innleiddar á öllu EES-svæðinu.  Á fundum hópsins hefur komið fram bæði frá fulltrúum Flugmálafélagsins og frá fulltrúa Flugmálastjórnar að töluverð óánægja er með reglurnar á svæðinu.  Meðal annars hefur verið bent á að þyngdarmörk hvað varðar skilgreiningu á léttum löftförum (ELA1) séu óþarflega lág.  Leiðir slíkt til þess að sömu kröfur eru gerðar til loftfara sem eru rétt fyrir ofan ELA1 í þyngd, en þau eru algeng loftför í enkaflugi, og loftfara sem eru mun þyngri.  Hefur óánægjan með reglurnar nú þegar leitt til þess að upp er komin umræða innan Flugöryggisstofnunar Evrópu um breytingu á reglunum m.a. að þyngdarmörk ELA1 verði færð úr undi 1000kg í undir 1200kg. flugtaksmassa, en mat hópsins er að þessi þyngdarmörk þurfi að vera nokkuð hærri til þess að algengar eins og tveggja hreyfla flugvélar rúmist innan hennar jafnvel upp að 2.730kg. flugtaksmassa.

Niðurstaða vinnuhópsins er því sú að áhrif ofangreindra Evrópureglugerða hafi íþyngjandi áhrif á einkaflug hér á landi sem og annars staðar í Evrópu.  Hópurinn telur mikilvægt að reglunum verði breytt og leggur því til við ráðherra að hann ásamt Flugmálastjórn Íslands beiti sér fyrir því á vettvangi Flugöryggisstofnunar Evrópu og eftir því sem mögulegt er innan Evrópusambandsins að reglum er snúa að rekstri og viðhaldi einkaloftfara verði breytt þannið að íþyngjandi áhrif þeirra minnki."

Það vekur nokkurra furðu að svo virðist sem flugmálastjóri hafi ekki greint Flugráði efnislega frá ofangreindri niðurstöðu vinnuhópsins né frá svari Utanríkisráðuneytisins.  Er það mat undirritaðs að sú efnislega niðurstaða sem sett er fram í fundargerð Flugráðs samrýmist ekki niðurstöðum vinnuhópsins að meginstefnu sinni og er það afar bagalegt að í opinberum gögnum skuli vera að finna yfirlýsingar sem eru í ósamræmi við þau gögn sem eiga að liggja þeim til grundvallar.

Valur Stefánsson

Formaður FÍE og ritari FMÍ.

Minnum á Jólagleði Einkaflugmanna sem haldin verður n.k. föstudag 2. desember í félagsheimili okkar í Fluggörðum og opnar húsið kl. 20:00

Við hvetjum flugmenn alla að mæta á svæðið og taka með sér gesti.  Veigar verða gegn vægum fjárframlögum og einnig eitthvað að narta í.

Myndasýning í kennslustofunni fyrir þá sem vilja líta á flugmyndir bæði nýlegar og gamlar.

Stjórn FÍE.

125RM fundur IAOPA í Evrópu.

Haldinn í Krakow Póllandi 1. Október 2011.

Hér á eftir er pistill formanns FÍE frá Evrópufundi AOPA sem fram fór í Póllandi 1. Október s.l.

Undirritaður sótti Evrópufund AOPA (125RM IAOPA) sem fram fór í Krakow í Póllandi 1. Október s.l.  Því miður höfum við ekki haft bolmagn í að senda fulltrúa á þessa fundi áður en við höfum séð það og sérstaklega vegna innleiðingar Part-M reglnanna frá EASA (Flugöryggisstofnun Evrópu) þá er það orðið nauðsynlegt fyrir okkur að efla samskiptin við AOPA félögin þar sem þau eru að berjast fyrir nákvæmlega sömu hlutunum og við hér upp á Íslandi. 

Fulltrúar voru frá eftirtöldum löndum: Bretland, Þýskaland, Frakkland, Danmörk, Svíþjóð, Holland, Pólland, Ítalía, Grikkland, Noregur, Sviss, Rússland, Líbanon, Austurríki, Ukraína og gestir frá Bandaríkjunum.

Martin Robinson v-forseti IAOPA opnaði fundinn og ræddi mikið hve íþyngjandi EASA reglugerðin væri og svo ég noti hans orð "people find their way around the rules if te rules are to tight.  That is not SAFETY.  Þetta eru orð að sönnu og spunnust miklar umræður um þetta málefni og voru fundarmenn sammála því að EASA væri að slaka á klónum en því miður er þetta eins og með stærðar olíuskip það er svo erfitt að snúa því. 

Stórar áhyggjur eru í Evrópu hve miklar og þungar kröfur um blindflug í Evrópu sem fælir einkaflugmenn frá því að taka blindflugspróf.   Voru fundarmenn sammála því að það yrði að létta á því að einkaflugmenn gætu aflað sér blindflugsáritunnar sem væri bara öryggisþáttur.

Það kom mér ekki á óvart að mesti tíminn fór í EASA Part-M umræður og erum við hér á Íslandi ekki  ein  um að eiga í vandræðum með þennan reglugerðar pakka.   Það kom verulega á óvart að aðeins voru sendar inn athugasemdir til EASA vegna Part-M frá fjórum aðildarfélögum AOPA m.a. kom frá okkur hér á Íslandi en þegar farið var að kafa ofan í kjölinn þá höfðu fleiri lönd gert tilraun til að senda inn en tölvupóstfangið hafði verið rangt, rétt netfang kom fram á fundinum og ætluðu þá fleiri að senda strax.

Peggy van Ootmarsum gjaldkeri gerði grein fyrir stöðu Evrópusamtakanna og eru þau viðunandi þó svo að greiðslur hefðu ekki borist frá nokkrum löndum.

Hátt bensínverð var gert að umræðuefni og eru í öllum löndum fjölgandi þeim sem nota bílabensín.

Jacob Pedersen frá Danmörku sagði að heimsóknir á heimasíðuna færu fjölgandi og alltaf væri að aukast þeim sem fengju sent í tölvupósti e-Newsletter og viljum við hvetja ykkur kæru félagsmenn til að gerast áskrifandi af því en það kostar ekkert.

Einnig sagði Jacob frá því að Flugmálastjórn Danmerkur og ráðuneyti flugmála hefði kallað grasrótina til vinnu við að yfirfara ferla og reglur, þetta mætti bæði Innanríkisráðuneytið okkar og Flugmálastjórn Íslands taka til athugunar.

Ég fékk góðan tíma til að kynna hvað við höfum verið að gera og hverju við höfum helst verið að berjast fyrir.  Fundarmenn áttu ekki til orð þegar ég sýndi þeim hluta úr nýjum drögum frá Innanríkisráðuneytinu um hertari reglur gagnvart flugvélum skráðum í þriðja ríkinu þ.e.a.s. í löndum utan EES svæðisins.  Sagði danski fulltrúinn að sennilega væri þetta ákvæði á útleið í Svíþjóð og umræður hafa einnig verið í Danmörku og spurði hvers vegna Ísland ætlaði þá að fara innleiða þetta. 

Eftir þennan fund teljum við að mjög góð samskipti séu komin á við önnur AOPA  félög sérstaklega þau sem standa okkur næst og án efa á þetta samstarf eftir að hjálpa okkur í baráttunni við að halda grasrótinni á flugi.

Í myndaalbúminu okkar má sjá nokkrar myndir frá fundinum ásamt myndum frá Flugsafninu í Krakow sem er einkar áhugavert.

Bestu kveðjur

Valur St.

TBO on components
EASA opnaði s.l. föstudag fyrir ábendingar vegna fyrirhugaðrar breytingar á reglugerð vegna líftíma aukahluta.  FÍE ásamt Flugmálafélaginu hafa barist fyrir því að fá þessar breytingar í gegn og formlega var óskað eftir því við FMS s.l. vor að líftími aukahluta myndi fylgja líftíma mótora sem var þá breytt m.a. eftir beiðni FÍE og FMÍ.  Í tilkynningu EASA er minnst á að óskir um breytingar hafi komið frá nokkrum löndum og m.a. Íslandi þannig að við sjáum að það er hlustað á Íslensku grasrótina þarna úti og er það vel. 

Án efa verður þetta mikill sparnaður fyrir félagsmenn okkar og sýnir enn og aftur samtaka mátt okkar.

Hægt er að sjá greinina frá EASA á þessari slóð hér.

Hér fyrir neðan er tilkynning frá EASA þar sem auglýst er eftir athugasemdum frá flugiðnaðinum sem og tilllögum til úrbóta.  Fyrirhugaður er vinnuhópsfundur hjá EASA varðandi innleiðinguna á Part-M í almannaflugi í sept/október 2011 þar sem farið verður yfir atriði er varða þessa innleiðingu.

For proper workshop preparation the Agency seeks to collect feedback on the effectiveness and proportionality of Part-M requirements for General Aviation, ahead of the workshop.  You are therefore kindly invited to submit comments in relation to Part-M implementation in the area of General Aviation including when possible not only the problem but also the proposed solutions.  Some issues where we are partivularly interested in receiving feedback are the following:

1. Format of the rules
2. Generic maintenance programmes and indirect approval procedures.
3. Approval / acceptance of repairs and modifications.
4. Acceptance of components from US and Canada.
5. Scope of work authorised to the Pilot-owner.
6. Scope of work authorised to independent certifying staff.
7. Licensing requirements for certifying staff.
8. Qualification and position (incompatibilities) requirements for airworthiness review staff.
9. Performance of the airworthiness review and issuance of ARC / recommendation.
10. Aircraft Continuing Airworthiness Monitoring (ACAM) programme for General Aviation aircraft (only for competent authorities).

Einnig óskaði IAOPA í Evrópu eftir
upplýsingum um eftirfarandi: Sem við viljum biðja ykkur að senda á tölvupósti til okkar á netfangið aopa@aopa.is